Vilt þú sækjast eftir vottun fyrir fyrirtækið þitt?

 

Umsókn 

Í tengslum við aðgerðaráætlun og ferðamálastefnu stjórnvalda til 2030 hefur verið skipaður starfshópur sem ætlað er að endurskoða gæða- og umhverfisvottun fyrir íslenska ferðaþjónustu m.a. með hliðsjón af þróun Vakans.

Á meðan þetta mikilvæga verkefni stendur yfir, og þar til niðurstöður liggja fyrir, getum við því miður ekki tekið við nýjum umsóknum um vottun Vakans.

Við hvetjum ykkur engu að síður til að nýta viðmið Vakans og önnur hjálpargögn á meðan, í vinnu við að bæta gæði, öryggi, umhverfisstarf og sjálfbærniáherslur.

Vinsamlegast hafið samband í gegnum netfangið vakinn@vakinn.is ef frekari upplýsinga er þörf.

Mikilvægt er að umsækjendur kynni sér eftirfarandi áður en umsókn er send inn:

Gæða- og umhverfisvottun fyrir gistingu:

  • Almenn gæðaviðmið fyrir gistingu
  • Sértæk gæðaviðmið fyrir þá tegund gistingar sem um ræðir.
  • Leiðbeiningar um gerð öryggisáætlunar fyrir gististaðinn (sjá hjálpargögn).
  • Gátlistann Á leið til sjálfbærrar ferðaþjónustu.
  • Siðareglur Vakans.
  • Skilmála Vakans.

 Gæða og umhverfisvottun fyrir ferðaþjónustu aðra en gistingu:

Umhverfisvottun - silfur eða gull:

  • Ef ætlunin er að sækjast eftir silfur eða gullvottun í umhverfishluta þarf að kynna sér og uppfylla umhverfisviðmið fyrir silfur og gullvottun

Þátttökugjald

Ferðamálastofa innheimtir engin gjöld af umsækjendum eða þátttakendum en greiða þarf skoðunar- eða vottunarstofum fyrir úttektir. Eftirfarandi vottunar- og skoðunarstofur bjóða upp á úttektir fyrir Vakann:

Ferðamálastofa hefur reglulegt samráð við vottunar- og skoðunarstofurnar og fundar m.a. formlega með þeim tvisvar á ári.

Vantar þig aðstoð?

Ef þú hefur spurningar eða vantar ráðleggingar þá er velkomið að hafa samband við okkur með því að senda póst á vakinn@vakinn.is eða með því að hringja í 535 5500 og við svörum þér eins fljótt og unnt er.