Merki VAKANS á rafrænu formi til að setja á heimasíðu og prentað efni

Markaðslegur ávinningur af því að geta flaggað merkjum Vakans ætti að vera augljós, þ.e. að geta kynnt fyrir viðskiptavinum að fyrirtækið hafi verið tekið út af óháðum aðila og það hafi staðist tilteknar gæðakröfur. Að sama skapi er viðurkenning fyrir þátttöku í umhverfiskerfinu rós í hnappagat fyrirtækisins því vitundarvakning á sviði umhverfismála er vaxandi og viðskiptavinir beina í auknum mæli viðskiptum sínum til fyrirtækja sem sýna fram á ábyrgð í umhverfismálum.

  • Sjá nánar um kynningarmál Vakans og ávinning af þátttöku hér.
  • Mikilvægt er að merki Vakans séu sýnileg í öllu kynningarefni þátttakenda.
  • Aðeins þeir sem eru þátttakendur í Vakanum hafa heimild til að nota merki hans. 

Bent er á að rekstraraðilum gististaða er óheimilt að auðkenna gististaði með stjörnum eða öðrum merkjum sem gefa til kynna hvers konar gæðaflokkun nema að undangenginni formlegri gæðaúttekt þriðja aðila sem viðurkennd er af stjórnvöldum. (Sbr. reglugerð 1277/2016)

Af gefnu tilefni er bent á að gömul stjörnuflokkunarskilti, blá að lit, tilheyra kerfi sem var aflagt árið 2010/2011og mega því ekki hanga uppi á gististöðum þar sem þau gefa villandi skilaboð til viðskiptavina.

Merki Vakans

Vakinn


Merki þátttakenda

Gæðakerfið skiptist í tvo flokka:

Gisting 

Hægt er að sækja um gæðavottun Vakans fyrir sex tegundir gistingar sem skiptist þannig að stjörnuflokkun er fyrir hótel en aðrir gistiflokkar fá gæðavottun fyrir gististaðinn.

Hótel fjórar stjörnurGistiheimiliHostelHeimagistingSumarhúsTjaldsvæði

Ferðaþjónusta - önnur en gisting

Ef fyrirtækið uppfyllir öll tilskilin gæðaviðmið fær það merkið gæðavottuð ferðaþjónusta. Merkið er einkennt með bláum lit. Sérstakt merki er fyrir veitingastaði, einnig blátt að lit.
 

 VeitingahúsViðurkennd ferðaþjónustaHótel 4 stjörnur  


Umhverfismerki; gull, silfur og brons

Umhverfisviðmiðin eru ætluð til að meta árangur fyrirtækja á sviði umhverfismála, samfélagslegrar ábyrgðar og tengsla við nærsamfélagið. Í framhaldi af úttekt fær fyrirtæki brons, silfur eða gullmerki eftir árangri.

Gerðar hafa verið þær breytingar á viðmiðum Vakans að umhverfisviðmið sem falla undir bronsmerki eru nú  hluti af almennum gæðaviðmiðum sem allir þátttakendur þurfa að uppfylla.

Umhverfisflokkuð ferðaþjónusta bronsUmhverfisflokkuð ferðaþjónusta silfurUmhverfisflokkuð ferðaþjónusta gull

Fyrirtæki sem standast úttekt fá að henni lokinni:

  • Rafrænt vottunarskírteini/viðurkenningarskjal.
  • Merki Vakans á rafrænu formi til að setja á heimasíðu og í prentað efni.

Að auki er hægt að fá :

  • Útiskilti með merki Vakans (viðurkennd ferðaþjónusta, viðurkenndur gististaður). Ath. hótel geta fengið skilti sem tilgreinir stjörnuflokk þeirra.
  • Umhverfisskilti (brons, silfur, gull). 
  • Fána með merki Vakans.
  • Límmiða með merki Vakans t.d. til að setja í bíla.

Verðlisti:

  • Skilti kr. 4500.- stk
  • Fáni  kr. 3.500.- stk
  • Límmiði 10x10 cm kr. 500.- stk