Umhverfisviðmiðum hleypt af stokkunum

Fyrsta hluta VAKANS var formlega hleypt af stokkunum um miðjan desember þegar umhverfisviðmið kerfisins voru kynnt.

Fyrsta hluta VAKANS var formlega hleypt af stokkunum um miðjan desember þegar umhverfisviðmið kerfisins voru kynnt.

Formlega kynntur í febrúar

VAKINN mun formlega verða kynntur og fara í notkun í febrúar 2012. Ástæða þess að umhverfisviðmiðin voru kynnt á undan öðrum hlutum kerfisins var sú að þættir í umhverfishluta þess gera ráð fyrir að fyrirtæki hafi stundað reglubundnar mælingar á tilteknum þáttum í 6-12 mánuði áður en úttekt á sér stað. Eftir kynningu umhverfisviðmiðana gátu fyrirtæki þannig farið að vinna samkvæmt umhverfisþáttum VAKANS.

Siðareglur VAKANS

Við sama tækifæri voru einnig kynntar siðareglur VAKANS en öll fyrirtæki sem þátt taka í verkefninu skulu samþykkja og fylgja þeim. Siðareglurnar eru í 15 liðum og skulu þær hanga uppi á áberandi stað hjá viðkomandi fyrirtæki. Elías Bj. Gíslason, forstöðumaður hjá Ferðamálastofu, kynnti kerfið á fundi á Hótel Reykjavík Natura og afhenti við það tækifæri nokkrum lykilaðilum sem standa að kerfinu, nýju siðareglurnar. Á meðfylgjandi mynd eru þær Unnur Halldórsdóttir, formaður Ferðamálasamtaka Íslands; Erna Hauksdóttir, framkvæmdastjóri Samtaka ferðaþjónustunnar; Helga Haraldsdóttir, skrifstofustjóri ferðamála í iðnaðarráðuneytinu og Ólöf Ýrr Atladóttir, ferðamálastjóri.

• Nánar um umhverfiskerfi VAKANS
• Nánar um Siðareglur VAKANS