SBA Norðurleið nýr þátttakandi

Á myndinni eru Gunnar M. Guðmundsson, framkvæmdast
Á myndinni eru Gunnar M. Guðmundsson, framkvæmdast
Við hjá VAKANUM óskum nýjasta þátttakandanum, SBA-Norðurleið, innilega til hamingju og bjóðum fyrirtækið velkomið í hópinn en það fékk einnig gullmerki í umhverfiskerfinu.

SBA-Norðurleið hf. er fyrirtæki sem sérhæfir sig í fólksflutningum og er eitt stærsta sinnar tegundar hér á landi. Fyrirtækið hefur yfir að ráða um 70 hópferðabifreiðum af öllum stærðum.

Höfuðstöðvar fyrirtækisins eru á Akureyri en einnig er skrifstofa og verkstæði í Hafnarfirði. Hjá fyrirtækinu starfa um 40 manns árið um kring en yfir sumartímann rúmlega 120 starfsmenn. Fyrirtækið tekur að sér akstur með hópa fyrir einstaklinga, fyrirtæki og íþróttafélög. Einnig umfangsmikinn akstur fyrir íslenskar og erlendar ferðaskrifstofur.

SBA – Norðurleið býður upp á mikið úrval dagsferða út frá Akureyri. t.d. Mývatnsferð meðleiðsögn, Dettifossferð með leiðsögn. Ferðir án leiðsagnar: Hvalaskoðun á Húsavík, Ak. – Ásbyrgi – Hljóðaklettar – Dettifoss. Einnig er boðið upp á þriggja daga ferð í Kverkfjöll með leiðsögn.

SBA – Norðurleið býður einnig upp á daglegar sumaráætlunarferðir fyrir erlenda ferðamenn á nokkrum leiðum.

Akureyri – Mývatn – Egilsstaðir – Höfn

Akureyri – Húsavík – Mývatnssveit

Akureyri – Kjölur – Reykjavík