Gæðaviðmið fyrir gistingu

  • Mikilvægt er að kynna sér gæðaviðmiðin vandlega áður en sótt er um vottun.
  • Uppfylla þarf almenn gæðaviðmið ásamt  gæðaviðmiðum fyrir hverja tegund gistingar.
  • Viðmið fyrir hverja tegund gistingar eru sett fram í formi gátlista sem umsækjendur fylla sjálfir út. 
  • Gæðaviðmið fyrir hótel byggja á viðmiðum frá evrópska Hotelstars kerfinu en gæðaviðmið fyrir aðra flokka gistingar byggja á Qualmark gæðakerfinu.

Almenn gæðaviðmið 

Almenn gæðaviðmið þarf að uppfylla 100%. Viðmiðin skiptast í eftirfarandi kafla:

  1. Upplýsingagjöf 
  2. Stjórnun og mannauðsmál
  3. Öryggi og hreinlæti
  4. Umhverfismál

Endurskoðun gæða- og umhverfisviðmiða

Frá því Vakinn tók til starfa árið 2012 hafa gæða- og umhverfisviðmiðin verið endurskoðuð reglulega í samráði við ýmsa sérfræðinga og hagaðila í ferðaþjónustu.

Í tengslum við aðgerðaráætlun og ferðamálastefnu stjórnvalda til 2030 hefur verið skipaður starfshópur sem ætlað er að endurskoða gæða- og umhverfisvottun fyrir íslenska ferðaþjónustu m.a. með hliðsjón af þróun Vakans.

Á meðan þetta mikilvæga verkefni stendur yfir, og þar til niðurstöður liggja fyrir, er vinna við endurskoðun viðmiða, 5. útgáfu, í biðstöðu og gildistími 4. útgáfu framlengdur.

Gæðaviðmið fyrir mismunandi tegundir gistingar: 

Gæðaviðmið fyrir hverja tegund gistingar taka m.a. til eftirfarandi þátta:
 
  • Aðkomu og nánasta umhverfis
  • Öryggis
  • Hreinlætis
  • Þjónustu við gesti
  • Aðstöðu og búnaðar

Kaflaheiti í viðmiðunum geta verið  mismunandi milli tegunda gistingar, en viðmiðin byggja þó öll á sama grunni.

Sé óskað eftir vottun fyrir veitingastað gististaðarins þarf að uppfylla sértæk gæðaviðmið fyrir veitingastaði.

Opna gæðaviðmið fyrir veitingastaði

Öll fyrirtæki verða einnig að samþykkja að starfa samkvæmt siðareglum Vakans. 

Ath. Ef gististaður býður afþreyingu auk gistingar þarf einnig að uppfylla viðeigandi sértæk viðmið fyrir afþreyinguna. 

Dæmi: Ferðaþjónustan Hóll rekur gistiheimili ásamt því að skipuleggja hestaferðir. Við úttekt á Hóli þarf auk almennra gæðaviðmiða að uppfylla gæðavið fyrir gistiheimili og sértæk gæðaviðmið fyrir hestaferðir.