Ávinningur


 

Ávinningur af þátttöku í Vakanum er margþættur:


  Handleiðsla og ráðgjöf.

  Aðgangur að fræðslu-og hjálpargögnum.

  Skýrari stefna og aukin færni við rekstur fyrirtækja.

  Bætt öryggi og velferð gesta og starfsmanna.

  Gæðastimpill fyrir fyrirtækið sem byggir á faglegri úttekt.

  Samkeppnisforskot og aukin markaðstækifæri.

  Vakinn og fyrirtæki innan hans eru kynnt á margvíslegan hátt.

  Árlegar úttektir.

Aðeins þau fyrirtæki sem standast úttekt Vakans og teljast þar með fullgildir þátttakendur í Vakanum hafa heimild til að nota merki hans. 
 

Kynningarmál Vakans

Nöfn fyrirtækja sem eru fullgildir þátttakendur í Vakanum eru birt á heimasíðu Vakans. Jafnframt birtast Vakafyrirtæki efst á VisitIceland síðunni með merki Vakans. Fréttir um ný þátttökufyrirtæki eru birtar á heimasíðum Vakans, Ferðamálastofu og SAF og komið á framfæri á samfélagsmiðlum. Þátttakendum ber að birta merki Vakans á heimasíðu sinni og kynna viðurkenningu Vakans og hvað í henni felst fyrir viðskiptavinum sínum. Best er að vera með tengil inn á ensku síðu Vakans þar sem fram kemur að Vakinn er opinbert gæða- og umhverfiskerfi fyrir íslenska ferðaþjónustu.

Kynning á Vakanum og fyrirtækjum sem eru þátttakendur er umtalsverð og má sem dæmi nefna eftirfarandi:

  • Auglýsing í Flugstöð Leifs Eiríkssonar.
  • Auglýsing í afþreyingarkerfinu um borð í vélum Icelandair.
  • Auglýsing í Icelandair Info flugblaðinu um borð  í vélum Icelandair.
  • Auglýsingar og kynningar í ferðablöðum.
  • Upplýsingabæklingur um Vakann liggur frammi á upplýsingamiðstöðvum um land allt.
  • Vakinn tekur þátt í Vestnorden og Mid-Atlantik og kynnir þar þátttakendur.
  • Fyrirtæki í Vakanum eru merkt sérstaklega á Visit Iceland vefnum.
  • Vakinn hefur verið og er reglulega kynntur erlendum ferðaskrifstofum.

 

Nýir þátttakendur í  Vakanum fá eftirfarandi:

  • Skilti með merki Vakans.
  • Innrammað viðurkenningarskjal.
  • Siðareglur.
  • Merki Vakans á rafrænu formi til að setja á heimasíðu og í prentað efni.
  • Fána Vakans til að flagga utanhúss.
  • Hægt er að kaupa límmiða með merki Vakans t.d. til að setja í bíla.

  • Ferðamálastofa
  • Vakinn
  • Geirsgata 9
  • 101 Reykjavík
  • Sími:535-5500
  • Skiptiborð opið 8:30-15:30