Að taka þátt í Vakanum

Umsókn í Vakann

Vinsamlegast athugið!

Vegna breytinga á fyrirkomulagi úttekta verður ekki tekið við umsóknum í Vakann né unnið með fyrirtækjum í umsóknarferli frá og með 7. maí 2018.

Ákveðið hefur verið að fara í samstarf við utanaðkomandi skoðunar-/vottunarstofur sem munu sjá um úttektir á vegum Vakans. Ferðamálastofa mun áfram stýra og halda utan um verkefnið í góðri samvinnu við SAF. Ljóst er að  breytingar verða gerðar á viðmiðum og verða þær kynntar síðar ásamt fyrirkomulagi úttekta. Jafnframt verða breytingar á gjaldskrá.

Opnað verður fyrir umsóknir þegar nýtt fyrirkomulag hefur verið innleitt. Mun það verða kynnt hér á heimasíðu Vakans. Nánari upplýsingar veitir Vakateymið á Ferðamálastofu.

Eftir sem áður hvetjum við fyrirtæki til að vinna áfram að gæða- og umhverfismálum og undirbúa umsókn í Vakann. Gæða- og umhverfisviðmið má finna hér á síðunni ásamt nauðsynlegum hjálpar- og fræðslugögnum.



 Þátttaka í Vakanum felur í sér skuldbindingar af hálfu þátttökufyrirtækja, forsvarsmönnum ber að kynna sér skilmála Vakans. Með umsókn samþykkja forsvarsmenn skilmálana sem lesa má hér.

Frá 1. janúar 2019 verða allir þáttttakendur í Vakanum að taka þátt í umhverfishluta og uppfylla að lágmarki skilyrði fyrir brons viðurkenningu.

Sótt er um þátttöku í Vakanum í þjónustugátt Ferðamálastofu með Íslykli eða rafrænum skilríkjum fyrirtækis. 
(Ef notaðir eru persónulegir Íslyklar eða rafræn skilríki einstaklinga hafa þeir einir aðgang að umsókninni og skjölum tengdum henni í þjónustugáttinni.)

Mikilvægt er að umsækjendur kynni sér eftirfarandi áður en umsókn er send inn:


Gisting:


 Ferðaþjónusta önnur en gisting:


Umhverfiskerfi:

  • Umhverfisviðmið.
  • Gátlistinn "Á leið til sjálfbærrar ferðaþónustu".

Umsóknargjald

Umsóknargjald er kr. 35.000. Greiðsluseðill vegna umsóknargjalds birtist í heimabanka fyrirtækis eftir að umsókn hefur verið staðfest. Sé umsóknargjald ekki greitt á eindaga verður ekki unnið frekar að umsókn fyrr en það hefur verið greitt.

Vinsamlegast athugið:

  • Umsóknargjald gildir í eitt ár. Fyrirtæki þurfa að hafa lokið ferlinu að fullu innan árs, annars þarf að greiða umsóknargjald að nýju.
  • Samkvæmt samningi Ferðamálastofu og Ferðaþjónustu bænda greiða aðilar innan FB ekki umsóknargjald.

Í kjölfar umsóknar

  1. Fyrirtækið fær staðfestingu frá Vakanum á að umsókn hafi verið móttekin. Greiðsluseðill vegna umsóknargjalds birtist í heimabanka fyrirtækisins. Þegar að staðfesting á greiðslu umsóknar hefur borist Vakanum er nafn fyrirtækisins birt á lista yfir fyrirtæki í umsóknarferli. Vakin er athygli á að umsóknargjald fyrnist ef umsóknarferli er ekki lokið innan eins árs.
  2. Fyrirtæki þurfa að senda Vakanum afrit af öryggisáætlunum ásamt nafnalista leiðsögumanna (ef við á) með yfirliti yfir menntun og reynslu áður en úttekt fer fram. Fyrir hærri stjörnuflokka í gistingu þarf að senda inn lýsingu á því hvernig er staðið að menntun og þjálfun starfsfólks.